Монголбанк

Буцах

Санхүүгийн суурь мэдлэг олгох сургалтын агуулгыг хялбаршуулав

Огноо: 2019/06/06

“Олон нийтийн санхүүгийн суурь мэдлэгийг дээшлүүлэх хөтөлбөр”-ийн хүрээнд орон нутгийн иргэдэд санхүүгийн мэдлэг олгох зорилгоор Дэлхийн Банк, Монголбанк, Насан туршийн боловсролын үндэсний төв хамтран сургагч багш бэлтгэх сургалтыг энэ сарын 4-6-ны өдөр зохион байгуулж байна. Сургалтад БСШУЯ-ны харьяа Насан туршийн боловсролын үндэсний төвийн багш нар хамрагдаж байгаа юм. 

Хөтөлбөр хэрэгжиж эхэлснээс хойш үндэсний хэмжээнд нийт 500 орчим багш хамрагдаж, 47000 гаруй иргэнд санхүүгийн мэдлэг олгох сургалтыг зохион байгуулжээ.

Энэ удаагийн сургалтаар орон нутгийн иргэдэд санхүүгийн мэдлэг олгох сургалтын шинэ загварыг туршиж буйгаараа онцлог юм. Орон нутгийн иргэдэд санхүүгийн суурь мэдлэгийг олгох сургалтыг зохион байгуулахад хичээлийн агуулгыг илүү энгийн, ойлгомжтой болгосноор хүртээмжийг нэмэгдүүлэх боломжтой бөгөөд сургалтын шинэ загвар нь бүхэлдээ үүнд чиглэгджээ.

 

Монголбанк Мобайл Апп

Монголбанкны мэдээ мэдээллийг гар утсандаа цаг тухайд нь хүлээн авах боломжтой боллоо.

  • Санхүүгийн боловсролын апп

    Энэхүү аппликэйшн нь өөртөө Хуримтлал тооцоологч, Хадгалагч, Зээл тооцоологч, Mortgage, Төсөвлөгч зэрэг тооцоолууруудыг багтаасан.