ГАДААД ВАЛЮТЫН ДУУДЛАГА ХУДАЛДАА
Сүүлчийн дуудлага худалдааны хаалтын ханш
| Огноо: | 2012/02/21
|
| МБ-наас худалдан авах: | -
|
| МБ-нд худалдах: | - |
2012 оны 02 дугаар сарын 21-ний өдрийн гадаад валютын дуудлага худалдаагаар банкууд ам.долларыг 1324.50-1326.78 төгрөгийн ханшааар худалдан авах, 1326.78 төгрөгийн ханшаар худалдах санал ирүүлсэн. Валютын дотоодын захын ам.долларын эрэлт, нийлүүлэлт тэнцвэртэй байна гэж үзээд Монголбанк энэ удаагийн арилжаанд оролцоогүй болно.
Юанийн дуудлага худалдаагаар 210.0-210.80 төгрөгийн ханшаар юань худалдан авах санал ирүүлсэн ба Монголбанк 210.80 төгрөгийн хаалтын ханшаар юань худалдав.
Валютын дуудлага худалдааны тухай
Гадаад валютын дуудлага худалдаа гэдэг нь валютын дотоодын захын үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох зорилгоор Монголбанкнаас захад оролцох нэг арга хэрэгсэл юм.
Монголбанкнаас гадаад валютын дуудлага худалдааг долоо хоног бүрийн Мягмар, Пүрэв гарагуудад тогтмол зохион байгуулдаг ба дуудлага худалдаанд зөвхөн банкны үйл ажиллагаа эрхлэх зөвшөөрөлтэй, Монгол Улсын нутаг дэвсгэр дээр үйл ажиллагаа явуулж буй банкууд оролцдог.
Монголбанк нь валютын дотоодын захад оролцогчдод аливаа мэдээллийг нээлттэй хүргэхийг дэмжиж ажилладаг бөгөөд энэхүү мэдээллийн эцсийн зорилго нь валютын захын тогтвортой байдал, төгрөгийн ханшийн огцом хэлбэлзлийг үүсгэхгүй байхад чиглэгддэг.