Монголбанк

Буцах

Банкны салбарын 95 жилийн ойн Эрдэм шинжилгээний бага хурал болов

Огноо: 2019/03/28

Монголбанк, Монголын банкны холбоо хамтран хэрэгжүүлж буй “Банкны хөгжил-95 жил” аяны хүрээнд эдийн засаг, статистик, санхүүгийн чиглэлээр ажиллаж буй мэргэжлийн судлаачид болон тус чиглэлээр суралцаж буй оюутнуудын дунд Эрдэм шинжилгээний бага хурлыг өнөөдөр зохион байгууллаа. Энэ удаа 40 гаруй бүтээл ирснээс эцсийн шатны шалгаруулалтад дараах бүтээл шалгарав. Үүнд:

Оюутны ангилалд:

  1. Банкны ашигт ажиллагаанд нөлөөлөгч хүчин зүйл (Г.Булганхүү нар)
  2. Зээлжих зэрэглэл ба түүний эдийн засагт үзүүлэх нөлөө (Э.Төрбат)
  3. Монгол Улсын бодлоготой холбоотой эдийн засгийн тодорхой бус байдлын индексийг машин сургалтын аргаар тооцох нь (Г.Амарбаясгалан, А.Тэмүүлэн)
  4. Хэрэглээний зээлийн эрсдэлд үзүүлэх өр, орлогын харьцааны нөлөө (Г.Батбилэг, Д.Гантогтох, Ү.Чулуунбаатар)
  5. Төв банкны хараат бус байдлын үнэлгээ (О.Галданцэрэн)

Судлаачдын ангилалд:

  1. Монгол Улсын динамик Ерөнхий тэнцвэрийн загвар: Монголын эдийн засгийн суурь төсөөлөл болон төсвийн тэлэх бодлогын нөлөө (Г.Рагчаасүрэн нар)
  2. Өөрийн хөрөнгийн хүрэлцээний зааглалттай банкны зээлийн хүүгийн өрсөлдөөний загвар (Г.Баттулга, Л.Алтангэрэл, Г.Баттөр)
  3. Монгол Улсын төсөв-Мөнгөний бодлогын хэрэгжилт, харилцан хамаарал, эдийн засагт үзүүлэх нөлөө (Ж.Дэлгэрсайхан)
  4. Банкны салбарын өөрийн хөрөнгийн хүрэлцээг максималчлах нь (Ч.Анхбаяр, Р.Энхбат)
  5. Өрхийн зээлийн урт болон богино хугацааны бодит нөлөөлөл (Б.Мөнхбүрэн)

Дээрх шалгарсан шилдэг бүтээлүүдээс оюутан болон судлаачдын ангилалд тус бүр шилдэг гурван байрыг шалгаруулж, урамшууллаа. Үүнд:

Оюутны ангилалд: 

1 дүгээр байр: Монгол Улсын бодлоготой холбоотой эдийн засгийн тодорхой бус байдлын индексийг машин сургалтын аргаар тооцох нь /Г.Амарбаясгалан, А.Тэмүүлэн/

2 дугаар байр: Хэрэглээний зээлийн эрсдэлд үзүүлэх өр орлогын харьцааны нөлөө /Г.Батбилэг, Д.Гантогтох, Ү.Чулуунбаатар/

3 дугаар байр: Төв банкны хараат бус байдлын үнэлгээ /О.Галданцэрэн/

Судлаачдын ангилалд: 

1 дүгээр байр: Монголын динамик ерөнхий тэнцвэрийн загвар: Монголын эдийн засгийн суурь төсөөлөл болон төсвийн тэлэх бодлогын нөлөө /Г.Рагчаасүрэн нар/

2 дугаар байр: Өөрийн хөрөнгийн хүрэлцээний зааглалттай банкны зээлийн хүүгийн өрсөлдөөний загвар /Г.Баттулга, Л.Алтангэрэл, Г.Баттөр/

3 дугаар байр: Банкны салбарын өөрийн хөрөнгийн хүрэлцээг максималчлах нь /Ч.Анхбаяр, Р.Энхбат/

Монголбанкнаас жил бүр судлаач, оюутнуудын дунд эрдэм шинжилгээний бага хурлыг зохион байгуулдаг бөгөөд энэ онд банк санхүүгийн салбарын 95 жилийн ойн хүрээнд зохион байгуулснаараа онцлог байв. Тус эрдэм шинжилгээний хурал нь судлаач, оюутнуудын судалгаа хийх сэдлийг урамшуулж, тэдний судалгаа хийх чадварыг хөгжүүлэх, нөгөөтээгүүр судалгааны ажлаа өргөжүүлэхэд дэмжлэг болсон чухал арга хэмжээ боллоо.

Эрдэм шинжилгээний хурлын төгсгөлд Монгол Улсын Их Сургуулийн зүгээс 2019 оны 6-р сарын 21-ээс 23-ны өдрүүдэд Олон Улсын Эрдэм шинжилгээний хурал зохион байгуулах гэж байгааг мэдээлсэн бөгөөд судлаачдыг бүтээлээ ирүүлж, оролцохыг урьсан юм. Дэлгэрэнгүйг энд дарж харна уу.

Монголбанк Мобайл Апп

Монголбанкны мэдээ мэдээллийг гар утсандаа цаг тухайд нь хүлээн авах боломжтой боллоо.

  • Санхүүгийн боловсролын апп

    Энэхүү аппликэйшн нь өөртөө Хуримтлал тооцоологч, Хадгалагч, Зээл тооцоологч, Mortgage, Төсөвлөгч зэрэг тооцоолууруудыг багтаасан.