Монголбанк

Буцах

Монголбанк репо арилжаагаар 50 тэрбум төгрөгийн эх үүсвэр олгов

Огноо: 2021/04/27

Монголбанкнаас урт хугацаат репо санхүүжилтээр олгосон эх үүсвэрээр 2021 оны 4 дүгээр сарын 23-ны өдрийн байдлаар 1667 аж ахуйн нэгжид нийт 268 тэрбум төгрөгийн зээлийг банкууд олгоод байна. Репо арилжааны хүрээн дэх зээл олголтыг тасралтгүй, хэвийн үргэлжлүүлэх зорилгоор Монголбанкнаас 2021 оны 4 дүгээр сарын 26-ны өдөр банкуудаас ирүүлсэн саналд үндэслэн 50 тэрбум төгрөгийн дүн бүхий репо арилжааг зохион байгууллаа.

Ковид-19 цар тахлын тархалтаас шалтгаалан гамшгаас хамгаалах бүх нийтийн бэлэн байдлын зэрэгт шилжээд байгаатай холбогдуулан банкууд зээлийн хүсэлтийг онлайнаар хүлээн авч, судалгааг хэвийн үргэлжлүүлж байна.

Иймд Монголбанкнаас тавьсан шалгуурыг хангаж буй харилцагчид ХААН, Худалдаа хөгжлийн, Голомт, Хас, Төрийн, Капитрон, Кредит, Тээвэр хөгжлийн, Богд банкуудад хандан зээл авах, өмнөх зээлд дахин санхүүжилт хийлгэх боломжтой.

Монголбанкнаас баталсан зээлийн шалгуур нөхцөлтэй эндээс танилцана уу.

Урт хугацаат репо арилжааны явцын мэдээллийг эндээс үзнэ үү.

 

МОНГОЛБАНК

________о0о________

 

Монголбанк Мобайл Апп

Монголбанкны мэдээ мэдээллийг гар утсандаа цаг тухайд нь хүлээн авах боломжтой боллоо.

  • Санхүүгийн боловсролын апп

    Энэхүү аппликэйшн нь өөртөө Хуримтлал тооцоологч, Хадгалагч, Зээл тооцоологч, Mortgage, Төсөвлөгч зэрэг тооцоолууруудыг багтаасан.