Монголбанк

Буцах

Монгол Улс Олон улсын санхүүгийн боловсролын “Шилдэг түншлэл-2019” шагнал хүртлээ

Огноо: 2019/06/20

Монгол Улс Олон улсын хүүхэд, залуучуудын санхүүгийн боловсролын байгууллага /Child&Youth Finance International/-ын “Шилдэг түншлэл-2019” шагнал хүртэв.

Олон улсын хүүхэд, залуучуудын санхүүгийн боловсролын байгууллагын дээд хэмжээний чуулга уулзалт жил бүр болдог бөгөөд энэ жилийн буюу 5-р уулзалт Өмнөд Африкийн Бүгд найрамдах улсын Йоханнесбург хотноо 6-р сарын 19-20-ны өдрүүдэд боллоо. Тус уулзалтын нэг чухал ач холбогдол бүхий хэсэг бол  “Дэлхий нийтийн санхүүгийн хүртээмж-2019” шагнал гардуулах ёслолын арга хэмжээ юм. Ийнхүү 2019 оны 6-р сарын 19-ний өдөр 8 дахь удаагаа Дэлхий нийтийн санхүүгийн хүртээмж-2019” шагнал гардуулах ёслол болж, шилдгийн шилдгийг тодруулсан ба Монгол Улсад “Олон нийтийн санхүүгийн суурь мэдлэгийг дээшлүүлэх хөтөлбөр”-ийг амжилттай хэрэгжүүлснийг үнэлж “Шилдэг түншлэл-2019” төрөлд шагнал олгов.

Дэлхий нийтийн санхүүгийн хүртээмжийн шагнал нь үндэсний хэмжээнд болон бүс нутаг, олон улсын түвшинд хүүхэд, залуусын санхүү, нийгэм, насан туршийн боловсролд хувь нэмрээ оруулж байгаа улсуудыг онцолж, шагнал олгодог. Энэ удаа нийт 151 улс өрсөлдсөн бөгөөд Шилдэг улс категорийн Шилдэг түншлэл төрөлд Монгол Улс нь Ангола, Аргентин, Колумби, Марокко, Португали гэсэн улсуудтай тунаж үлдсэнээр эцсийн шатанд тэргүүлэв.

Шагналын тухай дэлгэрэнгүй мэдээллийг энд дарж үзнэ үү.

Монголбанк Мобайл Апп

Монголбанкны мэдээ мэдээллийг гар утсандаа цаг тухайд нь хүлээн авах боломжтой боллоо.

  • Санхүүгийн боловсролын апп

    Энэхүү аппликэйшн нь өөртөө Хуримтлал тооцоологч, Хадгалагч, Зээл тооцоологч, Mortgage, Төсөвлөгч зэрэг тооцоолууруудыг багтаасан.