Монголбанк

Буцах

Хуримтлалын ач холбогдлыг хүүхдүүдэд танилцууллаа

Огноо: 2017/10/23

Монголбанкнаас “Санхүүгийн боловсрол” гурван сарын хугацаат аяныг улс орон даяар эхлүүлээд буй. Энэхүү аяны хүрээнд Монголбанк, ХБНГУ-ын “Хадгаламжийн Банкны Олон Улсын Хамтын Ажиллагааны Сан”, Монголын Банкны Холбоо, Хадгаламжийн Даатгалын Корпораци хамтран Дэлхийн хуримтлалын өдрийг үндэсний хэмжээнд тэмдэглэн өнгөрүүлдэг болгохыг зорьж байна.

 

Дээрх байгууллагууд “Дэлхийн хуримтлалын өдөр”-ийг угтаж, хуримтлалын ач холбогдол болон Монгол улсын үндэсний хуримтлалын бэлгэ тэмдгийг сурагчдад таниулах сургалтыг өнөөдөр /2017.10.23/ эхлүүллээ. Сургалтанд нийслэлийн Баянзүрх дүүргийн 120 дугаар сургуулийн 5-р ангийн сурагчид хамрагдсан бөгөөд энэ үеэр хүүхдүүдэд хуримтлал үүсгэхийн давуу талыг тайлбарлан, “Хуримтлалын авдар”, “Халаасны мөнгөө зарцуулах төлөвлөгөө”-ний дэвтэр, санхүүгийн боловсрол олгох зурагт номыг тус тус дурсгав.

 

Жил бүрийн 10-р сарын 31-нд олон улсын хэмжээнд тэмдэглэдэг “Дэлхийн хуримтлалын өдөр”-ийн онцлог нь хүүхдүүдийг бага наснаас нь хуримтлал үүсгэх дадалтай болгох, түүний ач холбогдлыг ойлгуулахад оршиж байна.

 

Энэ өдрүүдэд Монголбанк, ХБНГУ-ын “Хадгаламжийн банкны олон улсын хамтын ажиллагааны сан”, Монголын Банкны Холбоо, Хадгаламжийн Даатгалын Корпорацитай хамтран “Дэлхийн хуримтлалын өдөр”, “Хуримтлалын сар”-ын хугацаанд Ерөнхий боловсролын 16 сургуулийн 500 гаруй сурагчдад хуримтлалын талаар танин мэдэхүйн сургалтыг зохион байгуулах юм.

Монголбанк Мобайл Апп

Монголбанкны мэдээ мэдээллийг гар утсандаа цаг тухайд нь хүлээн авах боломжтой боллоо.

  • Санхүүгийн боловсролын апп

    Энэхүү аппликэйшн нь өөртөө Хуримтлал тооцоологч, Хадгалагч, Зээл тооцоологч, Mortgage, Төсөвлөгч зэрэг тооцоолууруудыг багтаасан.