Монголбанк

Буцах

Хүүхдүүд мөнгөө хуримтлуулахын ач холбогдлыг уралдаанд оролцсоноор илүүтэй ойлгосон гэв

Огноо: 2021/04/22


Монголбанкнаас санаачлан ХБНГУ-ын Шпаркассэ банкны Монгол дахь сантай хамтран “Мөнгөө хуримтлуулж сурцгаая” ТикТок уралдааныг зохион байгуулж, амжилттай оролцсон хүүхдүүдийн шагналыг онлайнаар гардууллаа.

Жил бүрийн хавар Эдийн засгийн хамтын ажиллагаа, хөгжлийн байгууллагын Санхүүгийн боловсролын олон улсын сүлжээ (OECD/INFE)-ээс зохион байгуулдаг дэлхийн хүүхэд залуучуудад санхүүгийн мэдлэг боловсролыг түгээх “Дэлхийн мөнгөний долоо хоног” аяны хүрээнд энэхүү уралдааныг зохион байгуулав. Уралдааныг “Хуримтлуулахад хялбархан” хүүхдийн дуун дээр суурилж, мөнгөө зөв зарцуулах, мөнгөө хадгалах дадал хэвшилд суралцахын ач холбогдлыг ойлгуулахад зорьсон байна. Бага дунд насныханы дунд зохион байгуулсан уг уралдаанд нийслэл хот болон хөдөө орон нутгаас ирүүлсэн нийт 20 гаруй бүтээлийг өрсөлдүүлснээс

4-9 насны ангилалд:

1.      Э.Итгэлмаа - Завхан аймгийн Улиастай хотоос оролцогч  2-р ангиийн сурагч

2.      Т.Цэлмүүн - Дундговь аймгийн Гурвансайхан сумын оролцогч 3-р ангийн сурагч

3.      Б.Тэнгис, Б.Танан - Улаанбаатар хотоос оролцогчид 2, 3 дугаар ангийн сурагчид

10-15 нас:

1.      Г.Үжин - Дархан-Уул аймгийн Дархан сумаас оролцогч 7 -р ангийн сурагч

2.      Б.Есүй-Анжилла - Орхон аймгаас оролцогч 6 -ангийн сурагч

3.      У.Монголжин – Улаанбаатар хотоос оролцогч  8-р ангийн сурагч

Шагнал гардуулах үеэр зохион байгуулагчдын зүгээс санхүүгийн боловсролыг бага наснаасаа эзэмших нь өөрт нь төдийгүй гэр бүл, улс эх оронд ямар ач холбогдолтой болохыг тайлбарлаж, хүүхдүүд ч мөнгийг зөв зарцуулж, хуримтлал үүсгэх нь зорилгодоо хүрэх нэгэн чухал хэрэгсэл болохыг ойлгосон тухайгаа ярилцав.

Монголбанк Мобайл Апп

Монголбанкны мэдээ мэдээллийг гар утсандаа цаг тухайд нь хүлээн авах боломжтой боллоо.

  • Санхүүгийн боловсролын апп

    Энэхүү аппликэйшн нь өөртөө Хуримтлал тооцоологч, Хадгалагч, Зээл тооцоологч, Mortgage, Төсөвлөгч зэрэг тооцоолууруудыг багтаасан.