Монголбанкнаас уур амьсгалын нөлөөллийн тайлагналын удирдамжийг баталлаа

Монголбанкны Ерөнхийлөгчийн 2025 оны 8 дугаар сарын 1-ний өдрийн А-180 дугаар тушаалаар “Монголын санхүүгийн байгууллагуудад зориулсан уур амьсгалын нөлөөллийн тайлагналын удирдамж” (цаашид “Удирдамж” гэх)-ийг батлан гаргалаа.

Тус Удирдамжийг Санхүүгийн тогтвортой байдлын зөвлөлийн 2022 онд баталсан “Тогтвортой санхүүгийн үндэсний замын зураг”-т тусгагдсан “Ил тод, нээлттэй тайлагналыг дэмжих” зорилтын хүрээнд, Үндэсний Тодорхойлсон Хувь Нэмрийн Түншлэл (NDC Partnership)-ийн дэмжлэгтэйгээр, НҮБ-ын Ази, Номхон далайн бүсийн Эдийн засаг, нийгмийн комисс (ESCAP)-той хамтран хэрэгжүүлж буй төслийн хүрээнд боловсруулсан болно.

Удирдамж нь Санхүүгийн тайлагналын олон улсын стандартууд (СТОУС S1, S2)-д нийцсэн бөгөөд санхүүгийн байгууллагуудын уур амьсгалын нөлөөллийн талаарх ойлголтыг нэгтгэх, чадавхыг нэмэгдүүлэх, мэдээллийн ил тод байдлыг сайжруулах, албан ёсны тайлагналд бэлтгэх, цаашид олон улсын стандарттай нийцүүлэн уур амьсгалын эрсдэлийн тайлагналыг нэвтрүүлэх суурь болох юм.

Удирдамжийг Монгол болон Англи хэлээр дараах холбоосоор татаж авна уу:

Монгол хэлээр татах 

Download in english