Монголбанк

Буцах

“Дэлхийн хуримтлалын өдөр”-ийг Монгол орон даяар 2 дахь жилдээ тэмдэглэнэ

Огноо: 2018/10/22

2018 оны Дэлхийн Хуримтлалын Өдрийг угтсан “Хуримтлалын аян”-ы нээлтийн үйл ажиллагаа өнөөдөр /2018.10.22/ боллоо. Ёслолын ажиллагаанд Монголбанкны ОНБМТ-ийн захирал Б.Одонтунгалаг, Монголын Банкны Холбооны гүйцэтгэх захирал Ж.Үнэнбат, ХБНГУ-аас Монгол Улсад суугаа Онц бөгөөд Бүрэн Эрхт Элчин сайд ноён Штефан Дуппел, ХБНГУ-ын Хадгаламжийн банкны Олон улсын сангийн Монгол дахь суурин төлөөлөгч И.Гэрэлчулуун нар оролцож, Дэлхийн хуримтлалын өдөр, хуримтлалын ач холбогдол, өрхийн төсөв, түүнийг удирдах арга зүйн талаар оролцогчдод мэдээлэл өглөө.

Хуримтлалын аян өнөөдрөөс эхэлж, 11 дүгээр сарын 02-ны өдрийг хүртэл үргэлжлэх бөгөөд энэ хүрээнд иргэд, олон нийт, бага насны хүүхдүүдэд зориулсан хуримтлалын ач тус, Монголын үндэсний хуримтлалын бэлгэ тэмдгийг сурталчлан таниулах цуврал арга хэмжээ, лекц, семинар зохион байгуулагдах бөгөөд ирэх 10 дугаар сарын 31-нд “Дэлхийн Хуримтлалын Өдөр”-ийн нэгдсэн арга хэмжээ Улаанбаатар хотод, 11 дүгээр сарын 2-нд Дархан-Уул аймагт тус тус зохион байгуулагдах юм. 

Монголбанк, Сангийн яам, Санхүүгийн зохицуулах хороо, БСШУСЯ-тай хамтран 2016 оноос хойш хэрэгжүүлж буй “Олон нийтийн санхүүгийн суурь мэдлэгийг дээшлүүлэх үндэсний хөтөлбөр”-ийн хүрээнд Монгол Улс “Дэлхийн хуримтлалын өдөр”-ийг жил бүрийн 10 дугаар сарын 31-ний өдөр улс орон даяар тэмдэглэн өнгөрүүлдэг болсон юм.

Дэлхийн 140 гаруй улс оронд ач холбогдол өгч, ёслол төгөлдөр тэмдэглэдэг тус үйл ажиллагааг зохион байгуулахад Монголбанк, Монголын Банкны Холбоо, ХБНГУ-ын Хадгаламжийн банкны Олон улсын хамтын ажиллагааны сан, Хадгаламжийн Даатгалын Корпораци болон арилжааны банкууд хамтран ажилладаг бөгөөд өнгөрсөн 2017 онд Монгол Улсын хуримтлалын үндэсний бэлгэ тэмдгийг олон нийтэд албан ёсоор танилцуулсан билээ.

Монголбанк Мобайл Апп

Монголбанкны мэдээ мэдээллийг гар утсандаа цаг тухайд нь хүлээн авах боломжтой боллоо.

  • Санхүүгийн боловсролын апп

    Энэхүү аппликэйшн нь өөртөө Хуримтлал тооцоологч, Хадгалагч, Зээл тооцоологч, Mortgage, Төсөвлөгч зэрэг тооцоолууруудыг багтаасан.